«Тt» — ақпарат».
Өткен ғасырдағы саяси қуғын – сүргін зобалаңы – халқымыздың тарихындағы қасіретті кезең екені белгілі. Зобалаң жылдар еліміздің қаншама абзал азаматтарының жазықсыз азапталуына, сотталуына, итжеккенге айдалуына әкеп соқтырды. ХХ ғасырдың қаралы жылдарының құрбаны болған азаматтар мен азаматшалардың есімдерін ұрпақ жадында қалдыру – біздің қасиетті борышымыз.
Бүгінде елімізде саяси қуғын-сүргіннің ұзын құрығына ілініп, құрбаны болған боздақтардың ұрпақтары мен барша қазақстандықтар жыл сайын оларды еске алуға арналған күнді ерекше атап өтуде.
Естеліктері ешқашан ескірмейтін бұл күнді Қаратау жұртшылығы да ескерусіз қалдырған жоқ. Қаладағы саяси қуғын–сүргін құрбандарына арналған ескерткішке гүл шоқтары қойылып, рухтарына тағзым етілді.
